കണിയാപുരം: കേരള സർവ്വകലാശാലയിൽ നിന്ന് ഹിസ്റ്ററിയിൽ പിഎച്ച്ഡി നേടിയ ഡോ.എൽ ദർശനക്ക് കരിച്ചാറ സൗഹൃദവേദി സ്നേഹാദരവ് നൽകി. ഒട്ടേറെ പ്രയാസങ്ങളും വെല്ലുവിളികളേയും അതിജയിച്ചാണ് ദർശന ഈ നേട്ടം കൈവരിച്ചത്.ദർശനയുടെ ഈനേട്ടം നാടിന് അഭിമാനവും പ്രചോദനവുമാണ്.
കണിയാപുരത്ത് ദർശനയുടെ ഗൃഹാങ്കണത്തിൽ നടന്ന ചടങ്ങിൽ സൗഹൃദവേദി പ്രസിഡൻ്റ് പ്രദീപ് കുമാർ അധ്യക്ഷത വഹിച്ചു.ജനറൽ സെക്രട്ടറി അമീർ കണ്ടൽ സൗഹൃദവേദിയുടെ സ്നേഹോപഹാരം സമർപ്പിച്ചു. എക്സിക്യുട്ടീവ് അംഗം സത്യൻ പൊന്നാടയണിയിച്ചു.എ എ ജമീൽ, പ്രദീപ് കരിച്ചാറ, സുധീർ എ സലാം,ബഷീർ പുളിവിളാകം, അസീം ബായ്, സക്കീർ തുടങ്ങിയവർ ആശംസകളർപ്പിച്ചു സംസാരിച്ചു.സൗഹൃദവേദി പ്രസിഡൻ്റ് പ്രദീപ് കുമാറിൻ്റേയും ലതയുടേയും മകളാണ് ദർശന. ആലപ്പുഴ സ്വദേശിയും മലപ്പുറം പെരുമ്പൽ നന്നമുക്ക് ഗ്രാമപഞ്ചായത്തിലെ ഉദ്യോഗസ്ഥനുമായ ഡോ.എസ് സരുൺ ആണ് ദർശനയുടെ ഭർത്താവ്.
