ആറ്റിങ്ങൽ : ആറ്റിങ്ങൽ അയിലം റോഡിൽ കൈപ്പറ്റ് മുക്കിൽ നിയന്ത്രണം വിട്ട കാർ റോഡരികിലെ ഇലക്ട്രിക് പോസ്റ്റിൽ ഇടിച്ചു. ഇടിയുടെ ആഘാതത്തിൽ പോസ്റ്റ് ഒടിഞ്ഞ് പിന്നാലെ വന്ന സ്വകാര്യ ബസിന് മുകളിലേക്ക് പതിച്ചു. തുടർന്ന് അയിലം റോഡിൽ മണിക്കൂറുകളോളം ഗതാഗതം സ്തംഭിച്ചു. ഇന്ന് വൈകിട്ട് മൂന്ന് മണിയോടെയാണ് സംഭവം.
തുടർന്ന് ആറ്റിങ്ങൽ ഫയർ ആൻഡ് റെസ്ക്യൂ ഗ്രേഡ് സ്റ്റേഷൻ ഓഫീസർ ജെ. രാജേന്ദ്രൻ നായരുടെ നേതൃത്വത്തിലുള്ള സംഘം സ്ഥലത്തെത്തി പോസ്റ്റ് നീക്കം ചെയ്ത്, കാർ കയർ കെട്ടി വലിച്ചുമാറ്റിയതോടെയാണ് ഗതാഗതം പുനഃസ്ഥാപിക്കാനായത്.സംഭവത്തിൽ ആർക്കും പരിക്കേറ്റിട്ടില്ലെന്ന് അറിയിച്ചു.പോസ്റ്റ് ഒടിഞ്ഞ് വീണത് തിരുവാതിര സ്വകാര്യ ബസ്സിന് മുകളിലേക്കാണ്.
