കല്ലറ : കല്ലറയിൽ കാട്ടുപന്നി കുറുകെ ചാടി ഓട്ടോറിക്ഷ മറിഞ്ഞ് ഓട്ടോ ഡ്രൈവർക്ക് തലയ്ക്ക് പരിക്കേറ്റു. കല്ലറ തെങ്ങുംകോട് സ്വദേശി അഖിൽ രാജിനാണ് പരിക്കേറ്റത്. തറട്ട ഹോസ്പിറ്റൽ റോഡിൽ വച്ച് രാത്രി 9.15 നാണ് അപകടം നടന്നത്. തറട്ടയിൽ നിന്നും ഓട്ടം പോയി തിരികെ വരുന്ന വഴിയിൽ റോഡിന് കുറുകെ പാഞ്ഞ കാട്ടുപന്നി ഓട്ടോയിൽ ഇടിച്ച് വാഹനം മറിയുകയായിരുന്നു.
ഇടിയുടെ ആഘാതത്തിൽ കാട്ടുപന്നി ചത്തു. നാട്ടുകാരാണ് ഓടിയെത്തി ഓട്ടോയുടെ അടിയിൽ കുടുങ്ങിയ അഖിൽ രാജിനെ വാഹനം ഉയർത്തിമാറ്റി രക്ഷപ്പെടുത്തിയത്. അഖിൽ രാജിനെ മെഡിക്കൽ കോളേജിൽ പ്രവേശിപ്പിച്ചു
