തൊപ്പിച്ചന്ത ജംഗ്ഷനിലെ കാത്തിരിപ്പുകേന്ദ്രം ഉദ്ഘാടനം ചെയ്തു

കടയ്ക്കാവൂർ : ജില്ലാ പഞ്ചായത്ത് ഫണ്ട് വിനിയോഗിച്ച് നിർമ്മിച്ച കടയ്ക്കാവൂർ തൊപ്പിച്ചന്ത ജംഗ്ഷനിലെ വെയിറ്റിംഗ് ഷെഡ് ഉദ്ഘാടനം ജില്ലാ പഞ്ചായത്ത് വൈസ് പ്രസിഡൻ്റ് അഡ്വ.എ ഷൈലജാബീഗം നിർവ്വഹിച്ചു. നിലയ്ക്കാമുക്ക് ജംഗ്ഷൻ, ചിറയിൻകീഴ് പണ്ടകശാല ജംഗ്ഷൻ, കടയ്ക്കാവൂർ തിനവിള ജംഗ്ഷൻ, കാറ്റാടിമുക്ക് ജംഗ്ഷൻ എന്നീ നാലു വെയിറ്റിംഗ് ഷെഡുകളുടെ പണി പുരോഗമിക്കുകയാണ്. നാട്ടുകാരുടെ അഭ്യർത്ഥന പ്രകാരമാണ് വെയിറ്റിംഗ് ഷെഡ് യാഥാർത്ഥ്യമായത്. ചടങ്ങിൽ പഞ്ചായത്ത് സ്റ്റാൻ്റിംഗ് കമ്മിറ്റി ചെയർപേഴ് സൺ ഉഷാകുമാരി, പഞ്ചായത്തംഗം എം ഷിജു, സി.പി.ഐ എം ലോക്കൽ സെക്രട്ടറി അഫ്സൽ മുഹമ്മദ് എന്നിവർ പങ്കെടുത്തു.