അയിരൂർ : മോഷണം, നരഹത്യാശ്രമം, കഞ്ചാവ് വിപണനം തുടങ്ങി നിരവധി കേസ്സുകളിൽ 3 വർഷമായി ഒളിവിൽ കഴിഞ്ഞ പ്രതി അറസ്റ്റിൽ. ഇടവ വെറ്റക്കട ഷീബ മൻസിലിൽ അൻസറിന്റെ മകൻ കൊച്ചനസ്സ് എന്നു വിളിക്കുന്ന അനസ് ( 25 ) ആണ് പിടിയിലായത്. 2018ൽ പാകിസ്ഥാൻമുക്കിലെ ഒരു വീട്ടിൽ നിന്നും മൂന്നു സി.സി.റ്റി.വി ക്യാമറകൾ മോഷണം ചെയെടുത്തശേഷം ഒളിവിൽ കഴിഞ്ഞു വീണ്ടും ഇടവയിലുള്ള റസ്റ്റോറൻറും വീടും അടിച്ചു നശിപ്പിച്ച് ഉടമയ ദേഹോപദ്രവമേല്പിച്ച് നരഹത്യാശ്രമം നടത്തിയ കേസ്സിലും പ്രതിയാണ്. കൂടാതെ മൂന്നോളം അടിപിടി കേസ്സുകളിലും , മോഷണ കേസ്സുകളിലും നിരവധി എക്സൈസ് കേസ്സുകളിലും പ്രതിയാണ്. 2015 മുതൽ ഇടവ, വെറ്റക്കട , മാന്തറ തുടങ്ങിയ സ്ഥലങ്ങളിൽ സംഘർഷം സൃഷ്ടിച്ചു വരുന്ന പ്രതിയെ അയിരൂർ പോലീസ് സ്റ്റേഷൻ പോലീസ് ഇൻസ്പെക്ടർ വി.എസ് പ്രശാന്തിന്റെ നേതൃത്വത്തിൽ എസ്.ഐ സജീവ് , എസ്.ഐ നിസ്സാറുദ്ദീൻ, എ.എസ്.ഐ ശ്രീകുമാർ പോലീസുകാരായ സജീവ് , തുളസി , അനന്ദു ചന്ദ്രൻ എന്നിവരടങ്ങിയ സംഘമാണ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻറ് ചെയ്തു.
