അഞ്ചു കോടിയോളം നിർമ്മാണ തൊഴിലാളികളേയും അവരുടെ കുടുംബാംഗങ്ങളുടെയും ജീവിതം വഴിമുട്ടിക്കുന്ന കേന്ദ്ര നിയമങ്ങൾക്കെതിരെ ഒരു കോടി നിർമ്മാണ തൊഴിലാളികൾ ഒപ്പിട്ട നിവേദനം ലോകസഭാ സ്പീക്കർക്ക് നൽകുന്നു. അഖിലേന്ത്യാ കൺസ്ട്രക്ഷൻ വർക്കേഴ്സ് ഫെഡറേഷൻ (സിഐറ്റിയു ) ന്റെ നേതൃത്വത്തിൽ ഡിസംബർ 5 ന്റെ പാർലമെൻറ് മാർച്ചോടെയാണ് സ്പീക്കർക്ക് നിവേദനം നൽകുന്നത്. കൺസ്ട്രക്ഷൻ വർക്കേഴ്സ് യൂണിയൻ ആറ്റിങ്ങൽ ഏര്യാ കമ്മിറ്റിയുടെ നേതൃത്വത്തിൽ കടയ്ക്കാവൂർ പഞ്ചായത്തിൽ നടന്ന ഒപ്പുശേഖരണ പരിപാടി അഡ്വ.വി. ജോയി എം എൽ എ ഉദ്ഘാടനം ചെയ്തു.എസ്.ആർ.ജ്യോതി അദ്ധ്യക്ഷനായി. യൂണിയൻ ഏര്യാ സെക്രട്ടറി അഞ്ചുതെങ്ങ് സുരേന്ദ്രൻ, സി പി ഐ (എം) കടയ്ക്കാവൂർ ലോക്കൽ കമ്മിറ്റി സെക്രട്ടറി അഫ്സൽ മുഹമ്മദ്, സിഐറ്റിയു കോർഡിനേഷൻ കമ്മിറ്റി കൺവീനർ എസ്.സാബു, കൺസ്ട്രക്ഷൻ വർക്കേഴ്സ് യൂണിയൻ ഏര്യാ ഭാരവാഹികളായ എം.ബിനു, എൽ.നളിനാക്ഷൻ, എൻ.ദേവ്, സേനൻ എന്നിവർ സംസാരിച്ചു. അഡ്വ.പ്രദീപ് കുമാർ സ്വാഗതവും ബാബു കുട്ടൻ നന്ദിയും പറഞ്ഞു.
നെടുമങ്ങാട് യുവാവിനെ കുത്തിക്കൊന്ന സംഭവത്തിൽ പ്രതി കസ്റ്റഡിയില്
May 12, 2025
9:48 pm
