മലയിൻകീഴ് : വീട്ടിൽ തൊഴുത്തു വൃത്തിയാക്കുന്നതിനിടെ വിമുക്തഭടൻ ഷോക്കേറ്റ് മരിച്ചു. മലയിൻകീഴ് അന്തിയൂർക്കോണം ചിറ്റിയൂർക്കോട് ഭാർഗവി സദനത്തിൽ ബിജുമോൻ (43) ആണ് മരിച്ചത്. തിങ്കളാഴ്ച ഉച്ചയ്ക്ക് കാർ കഴുകുന്ന കന്പ്രസർ ഉപയോഗിച്ച് തൊഴുത്ത് കഴുകുന്നതിനിടയിലാണ് ഷോക്കേറ്റത്. ഉടൻ മലയിൻകീഴ് താലൂക്ക് ആശുപത്രിയിലെത്തിച്ചെങ്കിലും രക്ഷിയ്ക്കാനായില്ല. കരസേനയിൽ നിന്നും വിരമിച്ചശേഷം ബിജുകുമാർ വെള്ളയമ്പലം ഐടി മിഷനിൽ സുരക്ഷാ ജീവനക്കാരനായി ജോലി ചെയ്യുകയായിരുന്നു.
മെഡിക്കൽ കോളജിൽ എത്തിച്ച് പോസ്റ്റുമോർട്ടത്തിനുശേഷം മൃതദേഹം വീട്ടുവളപ്പിൽ സംസ്‌കരിച്ചു. ഭാര്യ: ആശ. മക്കൾ: ജയകൃഷ്ണൻ, ജയദേവ്. സഞ്ചയനം ഞായറാഴ്ച രാവിലെ 8.30ന്.
