വർക്കല: ഇലകമൺ ഗ്രാമപഞ്ചായത്തിൽ കിഴക്കേപ്പുറം അബൂബക്കർ മൻസിലിൽ അനീസയുടെ മകൾ നസീലയുടെ വിവാഹത്തിനാണ് ആലംകോട് ദേശത്തെ പ്രവാസി കൂട്ടായ്മയായ ആലംകോട് ബ്രദേഴ്സിന്റെ കൈതാങ്ങ്. 1,12,580 രൂപയാണ് ഈ കൂട്ടായ്മ ഇവർക്ക് സ്വരൂപിച്ച് നൽകിയത്. ഈ മാസം 5ആംതീയതി ആ പെൺകുട്ടിയുടെ വിവാഹം പാരിപ്പള്ളി കമ്യൂണിറ്റി ഹാളിൽ വെച്ച് നടന്നു.
ജാതി മത ഭേദമന്യേ ഒട്ടേറെ കാരുണ്യ – സാന്ത്വന പ്രവർത്തനങ്ങൾ ഈ കൂട്ടായ്മയുടെ കീഴിൽ നടത്തിയിട്ടുണ്ട്. ഏറെയും പ്രവാസികളായ ഈ കൂട്ടായ്മയിൽ പ്രദേശത്തെ ഒരു കൂട്ടം ചെറുപ്പക്കാരും അംഗങ്ങളായിട്ടുണ്ട്. മൂന്നര വർഷമായി സാമൂഹ്യ രംഗത്ത് കാരുണ്യ പ്രവർത്തനങ്ങളിൽ എന്നും ഒരു പടി മുന്നിൽ നിൽക്കുന്ന ആലംകോട് ബ്രദേഴ്സ് വാട്സാപ്പ് കൂട്ടായ്മ പ്രാധാന്യമുള്ള നിരവധി ബോധവൽക്കരണ പ്രവർത്തനങ്ങളും ഇതിനോടകം നടത്തിയിട്ടുണ്ട്.
