മംഗലപുരം ബ്ലോക്ക്‌ കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ നാട്ടിൽ തിരിച്ചെത്താൻ സാമ്പത്തികമായി ബുദ്ധിമുട്ടനുഭവിക്കുന്ന നൂറ് പ്രവാസികൾക്ക് വിമാന ടിക്കറ്റ് നൽകുന്ന പദ്ധതിയുടെ ഉൽഘാടനം പ്രതിപക്ഷ നേതാവ് രമേശ്‌ ചെന്നിത്തല കന്റോൺമെന്റ് ഹൗസ്സിൽ സംഘടിപ്പിച്ച ചടങ്ങിൽ നിർവഹിച്ചു.
പദ്ധതിയുടെ ആദ്യ ഗുണഭോക്താവായ അഴൂർ സ്വദേശി ഷിജു മെയ്‌ പതിനേഴിന് മസ്‌ക്കറ്റ്-തിരുവനന്തപുരം വിമാനത്തിൽ തിരുവനന്തപുരത്ത് എത്തിച്ചേരുന്നതാണ്. ടിക്കറ്റ് തുകയുടെ ചെക്ക് കോൺഗ്രസ്സ് മണ്ഡലം കമ്മിററ്റിക്കുവേണ്ടി പ്രതിപക്ഷ നേതാവ് സഞ്ചു സുന്ദരനു കൈമാറി.
മംഗലപുരം ബ്ലോക്ക്‌ കോൺഗ്രസ്സ് കമ്മിറ്റി പ്രസിഡന്റ്‌ എച്ച്പി ഷാജി, പെരുങ്ങുഴി മണ്ഡലം പ്രസിഡന്റ്‌ ശിവപ്രസാദ്, മേനംകുളം മണ്ഡലം പ്രസിഡന്റ്‌ റ്റി. സഫീർ, പദ്ധതിയുടെ കോർഡിനേറ്റർ കണ്ണൻ, സുഹൈൽ ഷാജഹാൻ, അബ്ദുൽ അസ്സീസ് അഴൂർ തുടങ്ങിയവർ പങ്കെടുത്തു.
