അദ്ധ്യാപക ദിനാചരണവും സംസ്ഥാന അവാര്‍ഡ് ജേതാക്കളായ അധ്യാപകരെ ആദരിക്കലും

വെമ്പായം : ബി.ആർ.സി തല തനത് പ്രവർത്തനങ്ങൾ ഉദ്ഘാടനവും സമഗ്ര ശിക്ഷ കേരളയുടെ ഭാഗമായി കണിയാപുരം ബിആർസി അദ്ധ്യാപക ദിനാചരണവും ബി ആർ സി തല തനത് പരിപാടികളുടെ ഉദ്ഘാടനവും കൊഞ്ചിറ ഗവ. യു പി സ്ക്കൂളിൽ നടന്നു. ബി ആർ സി യുടെ തനത് പ്രവർത്തനങ്ങളുടെ പ്രഖ്യാപനം വെമ്പായം ഗ്രമപഞ്ചായത്ത് പ്രസിഡൻ്റ് സീനത്ത് ബീവി നിർവ്വഹിച്ചു. പുസ്തകവണ്ടിയുടെ ഉദ്ഘാടനം അദ്ധ്യാപകനും പ്രശസ്ത സിനിമാ നടനുമായ സുധീർ കരമന ഫ്ലാഗ് ഓഫ് ചെയ്തു. ഞാനും എൻ്റെ കുട്ടിയും ഡയറി വർക് ഷീറ്റ് ഗ്യാലറി എന്നിവയുടെ പ്രകാശനം സമഗ്ര ശിക്ഷാ കേരളയുടെ തിരുവനന്തപുരം ജില്ലാ കോഓഡിനേറ്റർ ശ്രീരത്നകുമാർ പ്രകാശനം നടത്തി.ചടങ്ങിൽ അദ്ധ്യാപക അവാർഡ് നേടിയ ജോസ് ഡി സുജീവ് രത്നകുമാർ എന്നിവരെ ആദരിച്ചു.
പിറ്റിഎ പ്രസിഡൻറ് കെ ബി സജയകുമാറിൻ്റെ അദ്ധ്യക്ഷതയിൽ കൂടിയ യോഗത്തിൽ കണിയാപുരം ബ്ലോക്ക് പ്രോഗ്രാം കോ-ഓഡിനേറ്റർ ഡോ.ജി സന്തോഷ് കുമാർ സ്വാഗതം പറഞ്ഞു.പ്രോഗ്രാം ഓഫീസർ സന്ധ്യ, കൊഞ്ചിറ വാർഡ് മെമ്പർ നജുമ, എം നഹാസ്, ഡയറ്റ് ഫാക്കൽറ്റി ഷൈജു വിവിധ വിദ്യാലയങ്ങളിലെ പ്രഥമാദ്ധ്യാപകർ തുടങ്ങിയവർ പങ്കെടുത്തു. കൊഞ്ചിറ സ്ക്കൂളിലെ പ്രഥമാദ്ധ്യാപിക കെഎസ് ഷീല നന്ദി രേഖപ്പെടുത്തി