ഭരതന്നൂർ : വീട്ടിൽ കിടന്നുറങ്ങുകയായിരുന്ന ഒൻപതുവയസുകാരിയുടെ കൈവിരൽ തെരുവ് നായ കടിച്ചു. ഭരതന്നൂർ കാക്കാണിക്കര കടയിൽ വീട്ടിൽ ബിനു- ജലജ ദമ്പതികളുടെ മകൾ വീണയ്ക്കാണ്‌ കടിയേറ്റത്. കഴിഞ്ഞ ദിവസം രാവിലെ ആറ് മണിക്കായിരുന്നു സംഭവം. മാതാവ് മുറ്റമടിച്ചുകൊണ്ടിരുന്ന സമയം തുറന്നുകിടന്ന മുൻവാതിലിലുടെ അകത്തു കടന്ന തെരുവ് നായ കട്ടിലിൽ ചാടിക്കയറി അക്രമിക്കുകയായിരുന്നു. നിലവിളികേട്ട് ജലജ മുറിയിൽ എത്തിയപ്പോഴേക്കും കുട്ടിയുടെ വലതു കൈയിലെ ചൂണ്ട് വിരലും നഖവും കടിച്ചെടുക്കുകയും കൈകാലുകളിൽ മാരക മുറിവുകൾ വരുത്തുകയും ചെയ്തിരുന്നു. കുട്ടിയെ എസ്.എ.ടി ആശുപത്രിയിൽ സർജറിക്ക് വിധേയമാക്കി.
