ആറ്റിങ്ങൽ : യുവാവിനെ വെട്ടി കൊലപ്പെടുത്താൻ ശ്രമിച്ച കേസിൽ പ്രതി അറസ്റ്റിൽ. ആറ്റിങ്ങൽ ചിറ്റാറ്റിൻകര കരച്ചിയിൽ ചരുവിള ക്ഷേത്രത്തിനുസമീപം ചരുവിള വീട്ടിൽ അജീഷ് (32)നെയാണ് ആറ്റിങ്ങൽ പോലീസ് അറസ്റ്റ് ചെയ്തത്.
ഒക്ടോബർ 7ന് രാത്രി 7 അര മണിയോടെയാണ് അറസ്റ്റിനാസ്പദമായ സംഭവം. ചിറ്റാറ്റിൻകര കൈപ്പറ്റുക ബ്രദേഴ്സ് ലൈബ്രറിക്ക് സമീപം കിഴക്കേവീട്ടിൽ കണ്ണനെ റോഡിൽ വച്ച് വാളു കൊണ്ട് വെട്ടിക്കൊലപ്പെടുത്താൻ ശ്രമിച്ച കേസിലെ മൂന്നാം പ്രതിയാണ് അജീഷ്. ഈ കേസിലെ രണ്ടാം പ്രതി ബിനുവിനെ ഒക്ടോബർ എട്ടിന് തന്നെ അറസ്റ്റ് ചെയ്തിരുന്നു.ഫോൺ എടുക്കാതിരുന്നതിനെ സംബന്ധിച്ചുള്ള തർക്കമാണ് കൊലപാതക ശ്രമത്തിൽ കലാശിച്ചത്. ഇനിയും ഈ കേസിൽ നാല് പ്രതികളെ കൂടി അറസ്റ്റ് ചെയ്യാനുണ്ട്.
ആറ്റിങ്ങൽ സി ഐ എസ് ഷാജി, എസ്ഐമാരായ സനോജ്,ജോയ്,ആശ, എഎസ്ഐമാരായ സലിം, സുരേന്ദ്രൻ, താജുദ്ദീൻ, പോലീസ് ഉദ്യോഗസ്ഥരായ പ്രദീപ്, വിനു,സുധീഷ്, ബിജു,അജി,രാകേഷ് ശ്രീജൻ, തുടങ്ങിയവർ ചേർന്നാണ് പ്രതിയെ അറസ്റ്റ് ചെയ്തത്.
