കല്ലമ്പലം : പാരിപ്പള്ളിയിൽ റെഡിമിക്സ് കയറ്റി വന്ന വാഹനം മറിഞ്ഞ് അപകടം. ഇന്ന് പുലർച്ചെ 12മണി കഴിഞ്ഞാണ് സംഭവം. ഡിവൈഡറിൽ ഇടിച്ചാണ് വാഹനം മറിഞ്ഞത്. വാഹനത്തിൽ ഉണ്ടായിരുന്ന ശ്രീജിത്ത്‌ നന്ദു എന്നിവർക്ക് പരിക്കേറ്റു. വാഹനം മറിഞ്ഞ് റോഡിൽ കോൺക്രീറ്റ് മിക്സും ഡീസലും ചോർന്നു. തുടർന്ന് 5 മണിക്കൂറോളം കല്ലമ്പലം ഫയർ സ്റ്റേഷനിലെ ഉദ്യോഗസ്ഥർ പണിപ്പെട്ടാണ് റോഡിൽ നിന്ന് കോൺക്രീറ്റ് മിക്സും ഡീസലും കഴുകി മാറ്റിയത്. ക്രയിനും ജെസിബിയും ഉപയോഗിച്ചു വാഹനം റോഡിൽ നിന്ന് മാറ്റി.
കല്ലമ്പലം ഫയർ സ്റ്റേഷൻ എ. എസ്. റ്റി. ഒ രാജേഷ് കുമാറിന്റെ നേതൃത്വത്തിൽ എസ്. എഫ്. ആർ.ഒ മുരളീധരൻ റ്റി, എഫ്. ആർ. ഒ മാരായ മുകേഷ്, സനൽ കുമാർ, ഉണ്ണികൃഷ്ണൻ, റോബർട്ട്‌, ഡ്രൈവർമാരായ അനീഷ്, പ്രിയരാജ് എന്നിവർ പങ്കെടുത്തു.
