കിളിമാനൂർ :സസ്പെൻഷനിലായ കിളിമാനൂർ കെഎസ്ആർടിസി സ്റ്റേഷൻ മാസ്റ്ററെ മദ്യ വില്പന നടത്തിയതിനു എക്സൈസ് പിടികൂടി. കിളിമാനൂർ കെഎസ്ആർടിസി സിപ്പോ സ്റ്റേഷൻ മാസ്റ്ററും നിലവിൽ സസ്പെൻഷനിലുമായ കിളിമാനൂർ, തകരപറമ്പ് ഷീജ മനസിലിൽ യൂനുസിന്റെ മകൻ അൻവറി(42)നെയാണ് പിടികൂടിയത്.
ആറ്റിങ്ങൽ എക്സൈസ് സർക്കിൾ ഇൻസ്പെക്ടറുടെ നേതൃത്വത്തിൽ നടത്തിയ റെയ്ഡിലാണ് കിളിമാനൂർ തകരപറമ്പ് ഭാഗത്ത് വച്ച് KL01-P – 4170 മാരുതി 800 കാറിൽ വച്ച് മദ്യ വിൽപ്പന നടത്തുന്നതിനിടെ പിടിയിലായത്. വാഹനത്തിൽ നിന്ന് 12.5 ലിറ്റർ IMFL, മദ്യം വിറ്റു കിട്ടിയ 7000 രൂപ എന്നിവ കണ്ടെടുത്തു.റെയ്ഡിൽ പ്രിവന്റീവ് ഓഫീസർ ദീപക് , സിവിൽ എക്സൈസ് ഓഫീസർമാരായ വിനു , സുർജിത്, സിബി കുമാർ, അജിത് കുമാർ എന്നിവർ പങ്കെടുത്തു.
