കടയ്ക്കാവൂർ എസ്എൻവിജിഎച്ച്എസ്എസ്സിലെ പൂർവ്വ വിദ്യാർഥി കൂട്ടയ്മയായ എസ്എൻവിജിഎച്ച്എസ്എസ് കോലയം 83-87 സ്നേഹ കൂട്ടായ്മ സ്കൂളിലെ ഓൺലൈൻ പഠന സൗകര്യം ഇല്ലാതിരുന്ന വിദ്യാർത്ഥികൾക്ക് 7 മൊബൈൽ ഫോൺ വാങ്ങിനൽകി. പേര് വെളിപ്പെടുത്താൻ ആഗ്രഹമില്ലാത്ത ഒരു പൂർവ്വ വിദ്യാർഥി നൽകിയ 2 മൊബൈലും,85 ബാച്ചിലെ ഷെല്ലി.സി നൽകിയ ഒരു ഫോണും ഇതിൽ ഉൾപ്പെടുന്നു. സംഘടന പ്രസിഡണ്ട്‌ ബി. എൻ സൈജുരാജ്, എക്സിക്യൂട്ടീവ് അംഗം അനിൽ, കോർഡിനേറ്റർ ശ്രീലത ടീച്ചർ, എന്നിവരുടെ സാന്നിധ്യത്തിൽ ഫോണുകൾ കടയ്ക്കാവൂർ ഗ്രാമ പഞ്ചായത്ത് പ്രസിഡന്റ്‌ ഷീല അവർകൾ സ്കൂൾ ഹെഡ്മിസ്‌ട്രെസ്സ് ആയ ലാലി എസ് ഖാനിനു കൈമാറി. ചടങ്ങിന് ശേഷം ഹെഡ്മിസ്‌ട്രെസ്സ് ഫോണുകൾ കുട്ടികളുടെ രക്ഷിതാക്കൾക്കു നൽകി.
