അഞ്ചുതെങ്ങ്: കായിക്കര കടവിൽ സാമൂഹിക വിരുദ്ധ ശല്യം രൂക്ഷമാകുന്നതായി പരാതി. കായിക്കരയിലും സമീപ പ്രദേശങ്ങളിലുമാണ് സാമൂഹ്യ വിരുദ്ധ പ്രവർത്തനങ്ങൾ രൂക്ഷമായിരിക്കുന്നതായി നാട്ടുകാർ പറയുന്നത്. രാത്രിയിൽ കടവിലും സമീപ പ്രദേശങ്ങളിലും വഴിവിളക്കുകൾ തെളിയാത്തതും ഏറെ ബുദ്ധിമുട്ട് ഉണ്ടാക്കുന്നതായി പ്രദേശവാസികൾ പരാതിപ്പെടുന്നു.സന്ധ്യയാകുന്നതോടെ ഈ പ്രദേശം കേന്ദ്രമാക്കി ലഹരിവസ്തുക്കളുടെ വില്പനയും ഉപയോഗവും പതിവാക്കിയിരിക്കുകയാണെന്നും
പ്രദേശവാസികളുടെ പരാതികളുടെ അടിസ്ഥാനത്തിൽ വല്ലപ്പോഴും പോലീസ് പെട്രോളിംഗ് നടത്തുമെങ്കിലും സാമൂഹ്യ വിരുദ്ധർക്കെതിരെ ശക്തമായ നടപടി സ്വീകരിക്കുവാൻ പോലീസിന് കഴിഞ്ഞിട്ടില്ലെന്നും പ്രദേശവാസികൾ ആരോപിച്ചു.
