ആര്യനാട്: വളർത്തുനായയെ മോഷ്ടിച്ച കേസിൽ രണ്ടുപേരെ ആര്യനാട് പോലീസ് അറസ്റ്റ് ചെയ്തു.പുനലാൽ ഫിറോസ് ഭവനിൽ ഫിറോഷ്(43), വിമൽ നിവാസിൽ വിമൽ കുമാർ(39) എന്നിവരാണ് അറസ്റ്റിലായത്.
വെള്ളനാട് മിത്രനികേതൻ വെള്ളൂർക്കോണത്ത് താമസിക്കുന്ന വിജയദാസിന്റെ വീട്ടിൽ 9-ന് രാത്രി അതിക്രമിച്ചുകയറിയ പ്രതികൾ പൊമറേനിയൻ ഇനത്തിൽപ്പെട്ട നായയെ സൂക്ഷിച്ചിരുന്ന കൂടിന്റെ പൂട്ടുപൊളിച്ചാണ്‌ മോഷണം നടത്തിയത്.സി.സി.ടി.വി. ദൃശ്യങ്ങളും മൊബൈൽ ടവറും കേന്ദ്രീകരിച്ച് നടത്തിയ അന്വേഷണത്തിൽ ആര്യനാട് ഇൻസ്പെക്ടർ എൻ.ആർ.ജോസ്, ഇൻസ്പെക്ടർ ശ്രീലാൽ ചന്ദ്രശേഖരനും ചേർന്ന സംഘമാണ് പ്രതിയെ അറസ്റ്റ് ചെയ്തത്.
