കല്ലമ്പലം : കല്ലമ്പലം സ്വദേശി മുഹമ്മദ് താഹയ്ക്ക് യു.എ.ഇ സർക്കാരിന്റെ ഗോൾഡൻ വിസ. കല്ലമ്പലം മടന്തപ്പച്ച സ്വദേശിയാണ്. കഴിഞ്ഞ 27 വർഷമായി തൻ്റെ ബിസിനസ് പങ്കാളിയായ മുഹമ്മദ് ഹനീഫയ്ക്കൊപ്പമാണ് താഹ ഹാപ്പി വേ എന്ന സ്ഥാപനം നടത്തി വരുന്നത്. ഒരു വലിയ കൂട്ടായ്മയുടെ ഭാഗമായി ഉയർന്നു വന്ന ഈ സ്ഥാപനം ഇന്ന് യു.എ.ഇ യുടെ പല ഭാഗങ്ങളിലേക്കും വളർന്നു വലിയ ബിസിനസ് ശൃംഖല ആയിരിക്കുന്നു.
സമൂഹത്തിൻ്റെ നാനാ തുറകളിൽ
എൽ. പി. ജി. പാചക വാതകത്തിൻ്റെ ഫലപ്രദമായ ഉപയോഗം പ്രോത്സാഹിപ്പിക്കാൻ അക്ഷീണം പ്രവർത്തനം നടത്തി വരുന്നു. എൽ. പി. ജി. ബോട്ടിലിംഗ്, കേന്ദ്രീകൃത എൽ. പി. ജി. നെറ്റ്‌വർക്കിംഗ് , എൽ. പി. ജി. പൈപ്പ്‌ലൈൻ സ്ഥാപനം എന്നിവയാണ് പ്രധാന പ്രവർത്തന മേഖലകൾ. ഉപഭോക്താക്കൾക്ക് ഇതുമായി ബന്ധപ്പെട്ട എല്ലാ സേവനങ്ങളും ലഭ്യമാക്കാൻ ശ്രദ്ധ ചെലുത്തുന്നു. 350 -ൽ അധികം തൊഴിലാളികൾ, (എഞ്ചിനീയർമാർ, ടെക്നിഷ്യൻമാർ, വെൽഡർമാർ തുടങ്ങിയവർ) ഈ സ്ഥാപനവുമായി ബന്ധപ്പെട്ട് പ്രവർത്തിച്ച് വരുന്നു.
