കല്ലമ്പലം: ദക്ഷിണ കേരള ഇസ്‌ലാം മതവിദ്യാഭ്യാസ ബോർഡ് 2020-21 അദ്ധ്യയന വർഷത്തെ നാവായിക്കുളം മേഖല 5-ാം ക്ലാസ്സിൽ റാങ്ക് നേടിയ വണ്ടിത്തടം ഹിദായത്തുൽ ഇസ്‌ലാം മദ്രസ വിദ്യാർത്ഥി മുഹമ്മദ് സഫ്‌വാനെയും, നബിദിന കലാസാഹിത്യ മത്സരത്തിൽ വിജയിച്ച മദ്രസാ സീനിയർ വിദ്യാർത്ഥികളെയും മജ്ലിസ് ഫൗണ്ടേഷൻ ട്രസ്റ്റ് ട്രോഫികൾ നൽകി ആദരിച്ചു.
മദ്രസാ ഇമാം മുഹമ്മദ് റഷാദി അൽ-റാഷിദിയ്യ്, മജ്ലിസ് ഫൗണ്ടേഷൻ ട്രഷറർ സുനിൽ പാവല്ല, തയ്ക്കാവ് മുൻ പ്രസിഡന്റ് ഷാജഹാൻ കൈപ്പടക്കോണം, പാവല്ല ജമാഅത്ത് ജോയിന്റ് സെക്രട്ടറി അൻസിം എന്നിവർ സന്നിഹിതരായിരുന്നു.
ജൂനിയർ, സബ്-ജൂനിയർ, സൂപ്പർ സീനിയർ വിഭാഗങ്ങൾക്കുള്ള മൊമന്റോ വിതരണവും, മദ്രസ വാർഷിക പരീക്ഷാ വിജയികൾക്കുകള സർട്ടിഫിക്കറ്റ് വിതരണവും റബീ-ഉൽ അവ്വൽ 12 ന് വിപുലമായ പരിപാടികളോടെ നടന്നിരുന്നു.
പ്രവാസി ചാരിറ്റി സംഘടനയായ മജ്ലിസ് ഫൗണ്ടേഷൻ ട്രസ്റ്റ് ആണ് വിജയികൾക്കുള്ള മുഴുവൻ ട്രോഫികളും സ്പോൺസർ ചെയ്തത്.
