വെമ്പായം :വെമ്പായത്ത് പാറയുമായി വന്ന ലോറി തലകീഴായി മറിഞ്ഞു. വെമ്പായം തേക്കട ഷാഹുൽ ഹമീദ് റോഡിൽ രാത്രി 12 മണിയോടെയായിരുന്നു അപകടം.തമിഴ്നാട്ടിലെ തിരുനെൽവേലിയിൽ നിന്നു റോഡ് പണിക്കായി പാറയുമായി വന്ന ലോറിയാണ് തലകീഴായി മറിഞ്ഞത് ഈ റോഡിന്റെ ടാറിങ് ജോലിയും വശങ്ങൾ കരിങ്കല്ലുകൊണ്ട് കെട്ടുന്ന ജോലിയും നടന്നുവരികയായിരുന്നു.ഇതിനായുള്ള പാറ കൊണ്ട് വന്ന വാഹനമാണ് അപകടത്തിൽപ്പെട്ടത്.വശം ഇടിഞ്ഞു ലോറി മറിയുകയായിരുന്നു. വലിയ ശബ്ദം കേട്ട് എത്തിയ നാട്ടുകാർ വാഹനത്തിൽ ഉണ്ടായിരുന്നവരെ രക്ഷപ്പെടുത്തി. അപകടത്തിൽ ആർക്കും പരിക്കില്ല.
