വക്കം: വക്കത്ത് ലഹരി വിരുദ്ധ ബോധവത്കരണ ക്ലാസ്‌ സംഘടിപ്പിച്ചു. കൗമാരക്കാരിലും കുട്ടികളിലും വർദ്ധിച്ചു വരുന്ന ലഹരി ഉപയോഗത്തിനും മൊബൈൽ ഫോൺ ദുരുപയോഗത്തിനും എതിരെയാണ് ക്ലാസ്‌ സംഘടിപ്പിച്ചത്. കടയ്ക്കാവൂർ ജനമൈത്രി പൊലീസ് എ.എസ്.ഐ ജയപ്രസാദ് ബോധവത്കരണ ക്ലാസ്‌ ഉദ്ഘാടനം ചെയ്തു. വക്കം 88-ാംനമ്പർ അങ്കണവാടിയിൽ സംഘടിപ്പിച്ച ചടങ്ങിൽ ചിറയിൻകീഴ് ഐ.സി.ഡി.എസ് സൂപ്പർവൈസർ ശ്രീജ അദ്ധ്യക്ഷത വഹിച്ചു. വാർഡ് മെമ്പർ ശാന്തമ്മ, അങ്കണവാടി ടീച്ചറുമാരായ സുമ, അശ്വതി, റിനു, ഹെൽപ്പർ സുമ എന്നിവർ സംസാരിച്ചു.
