വെള്ളൂർക്കോണം മുസ്ലിം ജമാഅത്തിന്റെ ആഭിമുഖ്യത്തിൽ നബിദിനാഘോഷത്തിന് തുടക്കം കുറിച്ചു. ജമാഅത്ത് പ്രസിഡന്റ്‌ പി. ഷറഫുദ്ദീൻ ഹാജി പതാക ഉയർത്തി. ജമാഅത്ത് സെക്രട്ടറി എസ്. നിസാർ, ഇമാം അബൂഷമ്മാസ് ഇസ്ഹാഖ് ബാഖവി, സദർ ഷാജഹാൻ സൈനി, സൈനുല്ലാബ്ദീൻ മുസ്‌ലിയാർ, ഭാരവാഹികളായ എ. എ ഷുക്കൂർ ഹാജി, എഫ്. റസീം തുടങ്ങിയവർ സംബന്ധിച്ചു. റബീഉൽ അവ്വൽ പന്ത്രണ്ട് വരെ മൗലിദ് പാരായണം, നബിദിന ദിവസം രാവിലെ മദ്റസാ വിദ്യാർത്ഥികളുടെ ഘോഷയാത്ര, അന്നദാനം എന്നിവയോടെ പരിപാടികൾക്ക് സമാപനമാകും.
