കല്ലമ്പലം : നാവായിക്കുളം ക്ഷേത്രത്തിനു സമീപം ചായക്കടയിൽ ചായ കുടിച്ചുകൊണ്ടിരുന്ന ആളിനെ മുൻവിരോധത്താൽ ദേഹോപദ്രവമേല്പിക്കുകയും, പ്ലേറ്റു കൊണ്ടടിച്ചു ചെവിയുടെ ഒരു ഭാഗം മുറിഞ്ഞു പോകുന്നതിനും ഇടയാക്കിയ കേസ്സിലെ പ്രതികൾ അറസ്റ്റിൽ . നാവായിക്കുളം മരുതിക്കുന്ന് ചിറയിൽ കൊച്ചുകോണത്തു വീട്ടിൽ നസീം(38), നാവായിക്കുളം 28-ാം മൈൽ കല്ലുവിള വീട്ടിൽ ജുനൈദ് എന്നിവരെയാണ് അറസ്റ്റ് ചെയ്തത്. കല്ലമ്പലം പോലീസ് സ്റ്റേഷൻ ഇൻസ്‌പെക്ടർ വികെ വിജയരാഘവന്റെ നേതൃത്വത്തിൽ എസ്.ഐ. സനിൽകുമാർ, എ എസ്ഐ സുനിൽകുമാർ, എഎസ്ഐ ജി ശ്രീകുമാർ, സീനിയർ സിവിൽ പോലീസ് ഓഫീസർ ബിജു എന്നിവർ ചേർന്നാണ് പ്രതികളെ അറസ്റ്റ ചെയ്തത്. കോടതിയിൽ ഹാജരാക്കിയ പ്രതികളെ റിമാൻറ് ചെയ്തു.
