ആറ്റിങ്ങൽ : ആറ്റിങ്ങൽ പൂവൻപാറ ആറ്റിൽ കണ്ടെത്തിയ മൃതദേഹം തിരിച്ചറിഞ്ഞു.കടയ്ക്കൽ ഇടത്തറ സ്വദേശിയായ ശശിധരന്റെ (64) മൃതദേഹമാണെന്ന് ബന്ധുക്കൾ തിരിച്ചറിഞ്ഞു. ഇദ്ദേഹത്തെ കഴിഞ്ഞ ശനിയാഴ്ച മുതൽ കാണാനില്ല എന്ന് കടയ്ക്കൽ പോലീസ് സ്റ്റേഷനിൽ പരാതി നൽകിയിരുന്നു.
ഇന്ന് രാവിലെ 8 മണിയോടെയാണ് ആറ്റിൽ മൃതദേഹം കണ്ടത്. 2 ദിവസം പഴക്കം ഉണ്ടെന്നാണ് പ്രാഥമിക വിവരം. വഴിയാത്രക്കാരൻ മൃതദേഹം കണ്ട് തൊട്ടടുത്തുള്ള ആറ്റിങ്ങൽ ഫയർ ഫോഴ്‌സിനെ അറിയിക്കുകയായിരുന്നു.
ആറ്റിങ്ങൽ ഫയർ സ്റ്റേഷനിലെ ഉദ്യോഗസ്ഥരെത്തി മൃതദേഹം കരയ്ക്കെത്തിച്ച് ആശുപത്രിയിലേക്ക് മാറ്റുകയായിരുന്നു.
