കടയ്ക്കാവൂർ : കടയ്ക്കാവൂർ പോലീസ് സ്റ്റേഷൻ പരിധിയിൽ സ്ത്രീയെ വീട്ടിനുള്ളിൽ വെന്തുമരിച്ച നിലയിൽ കണ്ടെത്തി. നിലയ്ക്കാമുക്കിൽ പഴയ ബിവറേജസ് ഔട്ട്‌ലെറ്റിന് സമീപം താമസിച്ചുവന്ന ജനനി (60) ആണ് മരണപ്പെട്ടത്. മകനൊപ്പമാണ് ഇവർ ഈ വീട്ടിൽ താമസിച്ചിരുന്നത്. ഇന്ന് പുലർച്ചെ രണ്ടു മണിയോടെയാണ് സംഭവം.ശരീരഭാഗങ്ങൾ പൂർണ്ണമായും കത്തി നശിച്ച നിലയിലാണ്. ചെറിയ രീതിയിൽ പൊള്ളലേറ്റ മകൻ വിഷ്ണു(32)വിനെ പോലീസ് കസ്റ്റഡിയിലെടുത്തതായി സൂചന.
