വിളവൂർക്കൽ: സ്കൂളിനു മുന്നിൽ പെൺകുട്ടികളെ ശല്യം ചെയ്യുന്നതരത്തിൽ ബൈക്കോടിച്ച അഞ്ചംഗ സംഘത്തെ മലയിൻകീഴ് പോലീസ് പിടികൂടി. ചന്തു(19-പൊറ്റയിൽ), ബിപിൻ ബിജു(18-കൊറ്റംപള്ളി), സുധീഷ്(19-മലയം), സൂരജ്(20-തെങ്ങത്താംകോട്), വിശാഖ്(21-പ്ടാരം) എന്നിവരാണ് പോലീസിന്റെ പിടിയിലായത്.
വിളവൂർക്കൽ സർക്കാർ ഹയർ സെക്കൻഡറി സ്കൂൾ വിട്ട സമയത്തായിരുന്നു സംഘത്തിന്റെ അഭ്യാസം. മലയിൻകീഴ് എസ്.ഐ. ബി.വി.സൈജുവിന്റെ നേതൃത്വത്തിൽ പരിശോധനയ്ക്കിടയിൽ പിടികൂടിയവർക്ക് ലൈസൻസില്ലെന്നും ഇവർ ഓടിച്ചിരുന്ന വാഹനത്തിൽ കൃത്യമായ നമ്പർ പ്രദർശിപ്പിച്ചിരുന്നില്ലെന്നും പോലീസ് പറഞ്ഞു
