ചെമ്പൂര്: ചെമ്പൂര് ഗവ.എൽ.പി.എസിൽ പരിസ്ഥിതി ദിനത്തോടനുബന്ധിച്ച് ഹരിതം -2023 എന്ന പരിപാടി എക്കോ ക്ലബ്ബിന്റെ നേതൃത്വത്തിൽ സംഘടിപ്പിച്ചു.
പ്ലാസ്റ്റിക് മലിനീകരണത്തിനെതിരെ പോരാടുക എന്ന ഈ വർഷത്തെ സന്ദേശം ഉൾക്കൊണ്ട് കൊണ്ട് പ്ലാസ്റ്റിക്കിനെതിരെ പോരാടുന്ന ഹരിത കർമ്മസേനാ പ്രവർത്തകരെ പൊന്നാടയണിയിച്ചും പൂക്കൾ നൽകിയും എക്കോ ക്ലബ്ബിലെ കുട്ടികൾ സ്നേഹ സ്വീകരണം നൽകി .
മുദാക്കൽ വാർഡ് മെമ്പർ ലീലാമ്മ സ്കൂൾ മുറ്റത്തൊരു പച്ചക്കറിത്തോട്ടം എന്ന പദ്ധതി ഉദ്ഘാടനം ചെയ്തു. മുദാക്കൽ പഞ്ചായത്തിലെ വിവിധ അങ്കണവാടികളിൽ കറിവേപ്പിലത്തോട്ട നിർമ്മാണത്തിന് തുടക്കം കുറിച്ചു.
പരിസ്ഥിതി ക്വിസ് മത്സരവും , പോസ്റ്റർ നിർമ്മാണവും, കുട്ടികൾക്കായി ഡോക്യുമെൻററി പ്രദർശനവും സംഘടിപ്പിച്ചു. എച്ച്എം ജാസ്മിൻ
പിടിഎ വൈസ് പ്രസിഡന്റ് അജി തെക്കും കര, ബാബുരാജ്, രാജേഷ് മയിൽപ്പീലി, ശ്രീജിത്ത്,ഷഹ്ന, സന്തോഷ് കുമാർ എന്നിവർ നേതൃത്വം നൽകി.
