ചെമ്പൂര് എൽപിഎസിൽ പണി കഴിപ്പിച്ച ആഡിറ്റോറിയത്തിന്റെ ഉദ്ഘാടനം

ആറ്റിങ്ങൽ : ചിറയിൻകീഴ് ബ്ലോക്ക് പഞ്ചായത്ത് ജനകീയാസൂത്രണം 2022-23 വാർഷിക പദ്ധതിയുടെ ഭാഗമായി പത്ത് ലക്ഷം രൂപ ചിലവിട്ട് ചെമ്പൂര് എൽ പി എസിനായി പണി കഴിപ്പിച്ച ആഡിറ്റോറിയത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി സി ജയശ്രീ നിർവഹിച്ചു. പി ടി എ പ്രസിഡന്റ് പ്രവീൺ ഹരിശ്രീ അധ്യക്ഷനായി. വായനാ മാസാചരണം മുദാക്കൽ പഞ്ചായത്ത് പ്രസിഡന്റ് എ ചന്ദ്രബാബു ഉദ്ഘാടനം ചെയ്തു. ജില്ലാ പഞ്ചായത്തംഗം കെ വേണുഗോപാലൻ നായർ മുഖ്യാതിഥിയായി . വാർഡംഗം ലീലാമ്മ ക്വിസ് ക്ലബ് ഉദ്ഘാടനം ചെയ്തു. മദർ പി ടി എ പ്രസിഡന്റ് എം എസ് ശാലു സംസാരിച്ചു.
പ്രഥമാധ്യാപിക പി എ ജാസ്മിൻ സ്വാഗതവും എസ് എം സി ചെയർമാൻ എം ബി ദിനേശ് നന്ദിയും പറഞ്ഞു. ചടങ്ങിൽ സ്കൂളിൽ നടന്ന വിവിധ മൽസര വിജയികൾക്കുള്ള സമ്മാനദാനവും നടന്നു ( ചിത്രം : : ചിറയിൻകീഴ് ബ്ലോക്ക് പഞ്ചായത്ത് പത്ത് ലക്ഷം രൂപ ചിലവിട്ട് ചെമ്പൂര് എൽ പി എസിനായി പണി കഴിപ്പിച്ച ആഡിറ്റോറിയത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി സി ജയശ്രീ നിർവഹിക്കുന്നു)