മണമ്പൂർ : മണമ്പൂർ ഗ്രാമ പഞ്ചായത്ത്‌ അഞ്ചാം വാർഡിൽ നാഷണൽ ദേശീയ പാതയിൽ നിന്നും മണക്കാട് പാലറ റോഡിലേക്ക് പ്രവേശിക്കുന്ന തകർന്നു കിടന്ന ഭാഗം പൊതു ജനങ്ങളുടെ ആവശ്യ പ്രകാരം നാട്ടുകാരുടെ സഹകരണത്തോടെ കോൺക്രീറ്റ് ചെയ്തു സഞ്ചാരയോഗ്യമാക്കി.
പഞ്ചായത്ത്‌ പ്രസിഡന്റ്‌ എ നഹാസ് , ബ്ലോക്ക്‌ മെമ്പർ കുഞ്ഞുമോൾ , വാർഡ് മെമ്പർ റാഷിദ്‌, റെസിഡൻസ് പ്രവർത്തകർ, കെ. ടി. സി. ടി. സെക്രട്ടറി എന്നിവർ നേതൃത്വം നൽകി. ദേശീയ പാതയും പഞ്ചായത്ത്‌ റോഡും ബന്ധിക്കുന്ന ഈ ഭാഗത്തു പുനരുദ്ധാരണ പ്രവർത്തനങ്ങൾ നടത്തുന്നതിനായി ബന്ധപ്പെട്ട അധികാരികളുടെ ശ്രദ്ധയിൽപെടുത്തുമെന്നും വേണ്ട നടപടികൾ സ്വീകരിക്കുമെന്നും പ്രസിഡന്റ്‌ നാട്ടുകാരെ അറിയിച്ചു. ഇതുമായി സഹകരിച്ച എല്ലാവർക്കും വാർഡ് മെമ്പർ നന്ദി രേഖപ്പെടുത്തി.
