വർക്കല : വർക്കല ആലിയിറക്കം ബീച്ചിൽ കുളിക്കാനിറങ്ങിയ യുവാവിനെ കാണാതായി. ആന്ധ്ര സ്വദേശി വാർഷിക്(22) നെയാണ് കടലിൽ കാണാതായത്.
ഇന്ന് വൈകുന്നേരം 7 മണിയോടെയാണ് സംഭവം.ആന്ധ്ര സ്വദേശികളായ നാലു സുഹൃത്തുക്കൾ ഒരുമിച്ചാണ് കടലിൽ കുളിക്കാൻ ഇറങ്ങിയത്.കടലിൽ കുളിക്കുന്നതിനിടെ സുഹൃത്തുക്കളോടൊപ്പം ഫോട്ടോ എടുക്കാൻ ശ്രമിക്കുന്നതിനിടെയാണ് വാർഷിക് അടിയൊഴുക്കിൽപ്പെട്ട് കാണാതായത്.
വർക്കല ഫയർഫോഴ്സും പോലീസും തിരച്ചിൽ തുടരുന്നു.മറൈൻ എൻഫോഴ്സ്മെന്റിനെ വിവരമറിയിച്ചിട്ടുണ്ട്.ആന്ധ്ര സ്വദേശികളായ നാലുപേരും ബാംഗ്ലൂരിൽ ഐടി ജീവനക്കാരാണ്
