കിഴുവിലം : കിഴുവിലം ഗ്രാമപഞ്ചായത്ത് പ്രസിഡന്റായി സിപിഐയിലെ ആർ രജിത വിജയിച്ചു. ചരിത്രത്തിൽ ആദ്യമാണ് സിപിഐയ്ക്ക് കിഴുവിലത്ത് പ്രസിഡന്റ്‌ സ്ഥാനം ലഭിക്കുന്നത്.14 ആം വാർഡ് മെമ്പറാണ് ആർ രജിത. 15 ആം വാർഡിൽ നിന്നും കോൺഗ്രസ്‌ സ്ഥാനാർഥി സലീന റഫീഖ് ആണ് എതിർ സ്ഥാനാർഥിയായി മത്സരിച്ചത്. 5 വോട്ടുകൾ സലീന റഫീഖ് നേടിയപ്പോൾ 11 വോട്ടുകൾ നേടി ആർ രജിത വിജയിച്ചു. രജിതയ്ക്ക് ആകെ കിട്ടിയ 12 വോട്ടിൽ ഒരെണ്ണം അസാധുവായി. കോൺഗ്രസ്‌ വിമതന്റെ വോട്ടും ആർ രജിതയ്ക്ക് ലഭിച്ചു. അതേ സമയം എസ്ഡിപിഐയും ബിജെപിയും മത്സരത്തിൽ നിന്ന് വിട്ടുനിന്നു.
സിപിഎമ്മിന് രണ്ടര വർഷവും സിപിഐ യ്ക്ക് രണ്ടര വർഷവും പ്രസിഡന്റ്‌ സ്ഥാനം എന്ന നിലയ്ക്കാണ് ജില്ലാ കമ്മിറ്റി തീരുമാന പ്രകാരം മുൻ പ്രസിഡന്റ്‌ മനോന്മണി രാജി വെച്ചത്
