വാലഞ്ചേരി റസിഡന്റ് സ് അസോസിയേഷന്റെ ആഭിമുഖ്യത്തിൽ കിളിമാനൂർ ഗ്രാമപഞ്ചായത്തിന് കീഴിലുള്ള ബി.എൽ.ഒ.മാരുടെ നേതൃത്വത്തിൽ അസോസിയേഷൻ ഓഫീസിൽ വച്ച് തെരഞ്ഞെടുപ്പ് കമ്മിഷന്റെ നിർദ്ദേശപ്രകാരം തെരഞ്ഞെടുപ്പ് പ്രക്രിയാ ബോധവത്കരണ പരിപാടി ചുനാവ് പാഠശാല സംഘടിപ്പിച്ചു. അതോടൊപ്പം 18 വയസ് തികഞ്ഞവർക്ക് വോട്ടർ പട്ടികയിൽ പേര് ചേർക്കൽ പരിപാടിയും നടത്തി. പ്രസ്തുത പരിപാടിക്ക് ബി.എൽ.ഒ.മാരായ രാജീവ്, അതുൽ എന്നിവർ നേതൃത്വം നൽകി. അസോസിയേഷൻ പ്രസിഡന്റ് ഹരികൃഷ്ണൻ ഉദ്ഘാടനം ചെയ്തു. രക്ഷാധികാരി മോഹൻ വാലഞ്ചേരി, ജന.സെക്രട്ടറി ഷീജാ രാജ്, വൈസ് പ്രസിഡൻറ് പ്രഫ.എം.എം. ഇല്യാസ്, ഖജാൻജി ആർ.അനിൽകുമാർ, വിപിൻ.എസ് തുടങ്ങിയവർ സംസാരിച്ചു.
