കണിയാപുരം:ബലി പെരുന്നാളിനോടനുബന്ധിച്ച് അണക്കപ്പിള്ള അൽ മദ്റസത്തുൽ ബദ് രിയ്യയിലെ അഞ്ചാം ക്ലാസ്സ്‌ വിദ്യാർത്ഥികൾ “ലബ്ബൈക് “എന്ന പേരിൽ തയ്യാറാക്കിയ കയ്യെഴുത്ത് മാഗസീൻ വിദ്യാർത്ഥികളായ അദ്നാൻ,അഫ്സൽ, അഹ്സൻ എന്നിവരിൽ നിന്ന് സ്വദ്ർ മുഅല്ലിം മുഹമ്മദ്‌ അനസ് അൽ ബുസ്താനി സ്വീകരിച്ച് പ്രകാശനം നിർവഹിച്ചു. മുഹമ്മദ്‌ മന്നാനി, ഷമീർ റഹ്മാനി, അഫ്സൽ ബദ് വി, അസീം ഗഫൂർ തുടങ്ങിയവർ ആശംസകൾ അറിയിച്ചു.
ഫൈസൽ, സുദീന സുധീർ, ഹിബ മെഹബിൻ, റിസ്വാന , റൈഹാന,ആസിയ,ആലിയ ഫാത്തിമ,അദ്നാൻ അസീം , മിസ്രിയ സാദിഖ്,റയ്യാൻ റണാദ്, അഹ്സൻ, ഇഹ്സാൻ,ഹന്ന അസീം,അഫ്ര,ഫാത്തിമ,ആരിഫ് സഫീർ,ഫർഹാൻ തുടങ്ങിയ വിദ്യാർത്ഥികളുടെ കൃതികൾ ഉൾപ്പെടുത്തിയാണ് മാഗസീൻ തയ്യാറാക്കിയത്.
മികവുറ്റ അവസരങ്ങൾ സൃഷ്ടിച്ച് വിദ്യാർത്ഥികളെ പ്രോത്സാഹിപ്പിക്കണമെന്നും, അവരുടെ കഴിവുകളെ വളർത്തുകയും,സമൂഹത്തിന് ഉപകാരപ്പെടുന്ന നിലയിൽ ഉപയോഗപ്പെടുത്തണമെന്നും അനസ് അൽ ബുസ്താനി ആശംസിച്ചു.
