കടയ്ക്കാവൂർ : സൊലേസ് ചാരിറ്റബിൾ അസോസിയേഷൻ കടയ്ക്കാവൂർ തെക്കുംഭാഗം എസ്ആർവി എൽപി സ്കൂളിനായി സീലിംഗ് ഫാനുകളും, വൈറ്റ് ബോർഡുകളുംവാങ്ങി നൽകി.അധ്യാപകരുടെയും സോലേസ് എക്സിക്യൂട്ടീവ് അംഗങ്ങളുടെയും സാന്നിധ്യത്തിൽ സ്കൂൾ പ്രിൻസിപ്പലിന് കൈമാറി .
തുടർന്നും ഇത്തരത്തിലുള്ള പ്രവർത്തനങ്ങൾ ചെയ്യുമെന്നും സംഘടകർ അറിയിച്ചു.
കടയ്ക്കാവൂർ എസ്എസ്പിബിഎച്ച്എസ്എസ് സ്കൂളിലെ പൂർവ്വ വിദ്യാർത്ഥികളാൽ രൂപീകൃതമായതും കടയ്ക്കാവൂർ ആസ്ഥാനമായി 2018 മുതൽ ജീവകാരുണ്യ പ്രവർത്തനങ്ങളുമായി ബന്ധപ്പെട്ട് പ്രവർത്തിച്ചുവരുന്ന സൊലേസ് ചാരിറ്റബിൾ അസോസിയേഷൻ ദിലീപ് പ്രസിഡൻ്റായും, ഷീജാ ഭാസ്കർ സെക്രട്ടറിയായും, സജി ശുശീലൻ ട്രഷറർ ആയും പ്രവർത്തിച്ചു വരുന്നു.
ഈ ആറു വർഷ കാലയളവിനുള്ളിൽ ഈ സംഘടനയുടെ പ്രവർത്തനത്തിന്റെ ഭാഗമായി അനവധി ജീവകാരുണ്യ പ്രവർത്തനങ്ങൾ ചെയ്യുവാൻ കഴിഞ്ഞിട്ടുണ്ടെന്ന് സംഘാടകർ അറിയിച്ചു.
