കിളിമാനൂർ : രാജ്യം സ്വാതന്ത്ര്യ ദിനം അഭിമാന പൂർവ്വം ആഘോഷിക്കുമ്പോൾ ദേശീയ പതാകയെ അവഹേളിക്കുന്ന രീതിയിലുള്ള ഒരു കാഴ്ച കാണുകയാണ് കിളിമാനൂരിൽ. കിളിമാനൂർ ചെമ്മരുത്തുമുക്കിൽ ദേശീയ പതാക കെട്ടിവെച്ചത് പ്ലാസ്റ്റിക് മാലിന്യം ശേഖരിച്ചു വെയ്ക്കുന്ന മിനി എം. സി. എഫിൽ. പെട്ടിയുടെ ഉള്ളിൽ പതാക തല തിരിച്ചാണ് കെട്ടിവെച്ചിട്ടുള്ളത്. കിളിമാനൂർ പഞ്ചായത്ത്‌ വീടുകളിൽ നിന്ന് ഹരിതകർമ്മസേന വഴി ശേഖരിക്കുന്ന പ്ലാസ്റ്റിക് മാലിന്യം സൂക്ഷിക്കുന്ന ഇരുമ്പ് പെട്ടിക്കുള്ളിലാണ് പതാക കെട്ടിവെച്ചതായി കാണുന്നത്. ആരാണ് ഈ രീതിയിൽ ദേശീയ പതാകയോട് അനാദരവ് കാണിച്ചതെന്ന് അറിയാൻ കഴിഞ്ഞിട്ടില്ല.
