മുദാക്കൽ ഗ്രാമപഞ്ചായത്തും കൃഷിഭവനും സംയുക്തമായി സംഘടിപ്പിച്ച കർഷകദിനാചരണവും, കർഷക – കർഷക തൊഴിലാളി ആദരവും പഞ്ചായത്ത് പ്രസിഡന്റ് പള്ളിയറ ശശിയുടെ അധ്യക്ഷതയിൽ നടന്ന ചടങ്ങിൽ ചിറയിൻകീഴ് ബ്ലോക്ക് പഞ്ചായത്ത് പ്രസിഡന്റ് ജയശ്രീ പി സി ഭദ്രദീപം കൊളുത്തി ഉദ്ഘാടനം നിർവഹിച്ചു.
വയനാട് ദുരന്തത്തിൽ മരണപ്പെട്ടവർക്ക് ആദരാഞ്ജലികൾ അർപ്പിച്ചു കൊണ്ടാണ് യോഗം ആരംഭിച്ചത്.
മുദാക്കൽ കൃഷി ഓഫീസർ ജാസ്മി വൈ സ്വാഗത ആശംസിച്ച ചടങ്ങിൽ ബ്ലോക്ക് പഞ്ചായത്ത് മെമ്പർ നന്ദുരാജ്, മുദാക്ക ഗ്രാമപഞ്ചായത്ത് വൈസ് പ്രസിഡന്റ് ശ്രീജ വി എസ്,വികസനകാര്യ സ്റ്റാൻഡിങ് കമ്മിറ്റി ചെയർമാൻ പൂണത്തുമൂട് മണികണ്ഠൻ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ദീപാ റാണി,മറ്റു മെമ്പർമാർ, ആറ്റിങ്ങൽ കൃഷി ഡയറക്ടർ അർച്ചന ബി, കാർഷിക വികസന സമിതി അംഗങ്ങൾ, പാടശേഖരസമിതി അംഗങ്ങൾ,സിഡിഎസ് ചെയർപേഴ്സൺ, എം എൻ ആർ ഇ ജി എസ് എന്നിവർ ചടങ്ങിൽ ആശംസകൾ അർപ്പിച്ച് സംസാരിച്ചു.
കൃഷി അസിസ്റ്റന്റ് ജസീം ബി.എസ് യോഗത്തിന് കൃതജ്ഞത അർപ്പിച്ചു.
വിവിധ തലങ്ങളിൽ ഉള്ള കർഷകരെ പൊന്നാട ചാർത്തി ഫലകവും വിളക്കും നൽകി ആദരിച്ചു. കർഷക ചന്തയും സംഘടിപ്പിച്ചു.
