കടയ്ക്കാവൂർ ഗ്രാമപഞ്ചായത്തിൽ കർഷക ദിനാചരണത്തോടനുബന്ധിച്ച് പഞ്ചായത്തിലെ കർഷകരെ ആദരിക്കുകയും മികച്ച കർഷകർക്കും കാർഷിക ഗ്രൂപ്പുകൾക്കും അവാർഡുകളും വിതരണം ചെയ്തു.
പുഷ്പകൃഷിക്കും പച്ചക്കറി ഗ്രൂപ്പ് കൃഷിക്കും പ്രത്യേക അവാർഡും പൊന്നാടയും നൽകി. ഒന്നാം വാർഡായ മേലാറ്റിങ്ങലിലെ സ്നേഹ അയൽക്കൂട്ടാംഗമായ ഷീലയ്ക്കും വിസ്മയ അയൽക്കൂട്ടത്തിലെ ജെഎൽ ജി ഗ്രൂപ്പ് അംഗങ്ങളായ പ്രമീളയ്ക്കും സംഘത്തിനും പുരസ്കാരങ്ങൾ കൈമാറി.
ചടങ്ങിൽ കടയ്ക്കാവൂർ ഗ്രാമപഞ്ചായത്ത് പ്രസിഡൻറ് ഷീല അദ്ധ്യക്ഷയായിരുന്നു. ജില്ലാ പഞ്ചായത്ത് അംഗം ആർ.സുഭാഷ് അവാർഡ് വിതരണവും കർഷകരെ പൊന്നാട അണിയിക്കലും നിർവ്വഹിച്ചു. കടയ്ക്കാവൂർ കൃഷി ഓഫീസർ സാബിർ സ്വാഗതം പറഞ്ഞു. ഗ്രാമ പഞ്ചായത്ത് അംഗങ്ങളായ പെരുംകുളം അൻസർ, സന്തോഷ്, യമുന, രേഖ, ബീനാ രാജീവ്, ജയന്തി സോമൻ NRGS AE നൗഫൽ, കുടുംബശ്രീ ചെയർപേഴ്സൻ ജാസ്മിൻ തുടങ്ങിയവർ ചടങ്ങിൽ പങ്കെടുത്തു.
