മംഗലപുരം : മംഗലപുരം ശാസ്തവട്ടത്ത് ബൈക്ക് ഓണഘോഷത്തിനിടയിലേക്ക് പാഞ്ഞുകയറിയുണ്ടായ അപകടത്തിൽ ഒരാള്‍ മരിച്ചു. ശാസ്തവട്ടം സ്വദേശി ഷൈജു (45) ആണ് മരിച്ചത്.
ഇന്ന് വൈകുന്നേരം നാലര മണിയോടെയാണ് സംഭവം. ക്ലബിൻ്റെ ഓണാഘോഷത്തിനിടെയാണ് അമിത വേഗതയിൽ എത്തിയ ബൈക്ക് ഇടിച്ചു കയറി അപകടമുണ്ടായത്. ബൈക്കിടിച്ച് തെറിച്ചു വീണ ഷൈജുവിനെ ഗുരുതരപരിക്കുകളോടെ മെഡിക്കൽ കോളേജിൽ പ്രവേശിപ്പിച്ചെങ്കിലും ആറരയോടെ മരണപ്പെട്ടു. ബൈക്കോടിച്ചിരുന്ന പെരുങ്ങുഴി സ്വദേശി റോഷൻ രാജിനും ഗുരുതരമായി പരിക്കേറ്റു.
