ആറ്റിങ്ങലിൽ സ്കൂൾ വിദ്യാർത്ഥികളെ സ്വകാര്യ ബസ് ഇടിച്ചിട്ട ശേഷം നിർത്താതെ പോയി.

ആറ്റിങ്ങലിൽ സ്കൂൾ വിദ്യാർത്ഥികളെ സ്വകാര്യ ബസ് ഇടിച്ചിട്ട ശേഷം നിർത്താതെ പോയി.ആറ്റിങ്ങൽ ബോയ്സ് ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർത്ഥികളായ മൂന്നുപേരെയാണ് ട്യൂഷൻ കഴിഞ്ഞ് സ്കൂളിലേക്ക് പോകുന്ന വഴി സ്വകാര്യ ബസ് ഇടിച്ചിട്ടത്. ഇവർ ഫുട്പാത്തിലൂടെ നടന്നുവരുമ്പോൾ ആയിരുന്നു അപകടം. വിദ്യാർത്ഥികളായ ശിവജിത്ത്, ദേവനാരായണൻ, അഭിനവ് എന്നിവരാണ് ആറ്റിങ്ങൽ വലിയകുന്ന് താലൂക്ക് ആശുപത്രിയിൽ ചികിത്സയിൽ ഉള്ളത്. കുട്ടികൾക്ക് കൈക്കും, നടുവിനും, വയറിനും ക്ഷതം ഏറ്റിട്ടുണ്ട്. ആറ്റിങ്ങലിൽ സ്വകാര്യ ബസ്സുകളുടെ മത്സരയോട്ടം കാരണം അപകടങ്ങൾ തുടർക്കഥയാവുകയാണ്. ആറ്റിങ്ങൽ പോലീസ് കേസെടുത്തു.