കിളിമാനൂർ: വീടിന് സമീപത്തെ കിണറിനടുത്തുനിന്ന് പാമ്പുകടിയേറ്റ് വയോധിക മരിച്ചു. കാരേറ്റ് പേടികുളം സ്വദേശി ശ്രീധർമ്മ (75) ആണ് മരിച്ചത്.
ഇന്ന് രാവിലെ വീട്ടുമുറ്റത്തെ കിണറിന് സമീപം നിൽക്കുകയായിരുന്ന വയോധികയെ പാമ്പ് കടിക്കുകയായിരുന്നു. കടിയേറ്റ ഉടനെ ഇവർ നിലവിളിച്ചുകൊണ്ട് സഹായത്തിനായി അയൽക്കാരെ വിവരമറിയിച്ചു.
നാട്ടുകാർ ഓടിയെത്തുമ്പോഴേക്കും വയോധിക കുഴഞ്ഞുവീണിരുന്നു. ഉടൻതന്നെ തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. ആശുപത്രിയിലേക്കുള്ള യാത്രാമധ്യേ തന്നെ മരണം സംഭവിച്ചിരുന്നു.
