ആറ്റിങ്ങൽ : കടയിൽ എത്തുന്നവരുടെ യും വാഹനത്തിൽ യാത്ര ചെയ്തവരെയും വിവരങ്ങൾ രേഖപ്പെടുത്തി വയ്ക്കുന്ന ബ്രേക്ക് ദ ചെയിൻ ഡയറിയുമായി വി.എച്ച്.എസ്.ഇ എൻ എസ് എസ് വിദ്യാർത്ഥി വളണ്ടിയർമാർ ആറ്റിങ്ങൽ പട്ടണത്തിൽ പ്രചരണത്തിന് ഇറങ്ങി. ഡയറി ആറ്റിങ്ങൽ നഗരസഭ ഉപാധ്യക്ഷ ആർഎസ് രേഖ, പൊതു വിദ്യാഭ്യാസ സംരക്ഷണ യജ്ഞം തിരുവനന്തപുരം ജില്ലാ കോഡിനേറ്റർ ജവാദിന് നൽകി പ്രകാശനം ചെയ്തു. പി ടി എ പ്രസിഡൻറ് വി എസ് വിജു കുമാർ, സ്കൂൾ പ്രിൻസിപ്പൽ രജിത് കുമാർ, വി എച്ച് എസ് എസ് പ്രിൻസിപ്പൽ ഹസീന, പ്രോഗ്രാം ഓഫീസർ അരുൺ വി പി, വോളണ്ടിയർ സെക്രട്ടറി അനഘ ആർ എസ്, ലീഡർ അർജുൻ തമ്പി, വളണ്ടിയർമാർ എന്നിവർ വിതരണത്തിന് നേതൃത്വം നൽകി.