മുന്മന്ത്രി വി കെ ഇബ്രാഹിംകുഞ്ഞിനെ അറസ്റ്റ് ചെയ്തു. വിജിലന്സാണ് അറസ്റ്റ് രേഖപ്പെടുത്തിയത്. പാലാരിവട്ടം പാലം അഴിമതി കേസിലാണ് അറസ്റ്റ്. ഇന്ന് രാവിലെ 10.25ന് മരടിലെ സ്വകാര്യ ആശുപത്രിയില് വെച്ചാണ് ഇബ്രാഹിംകുഞ്ഞിനെ അറസ്റ്റ് ചെയ്തത്.വിജിലൻസ് സംഘം ഇന്ന് രാവിലെയാണ് ഇബ്രാഹിംകുഞ്ഞിന്റെ ആലുവയിലെ വീട്ടിലെത്തിയത്. ഇബ്രാഹിംകുഞ്ഞ് വീട്ടില് ഇല്ല, ആശുപത്രിയിലാണെന്നാണ് കുടുംബം വിജിലന്സിനെ അറിയിച്ചത്. സ്ത്രീകള് മാത്രമേ വീട്ടിലുള്ളൂ എന്നതിനാല് വനിതാ പൊലീസ് എത്തിയ ശേഷമാണ് വിജിലന്സ് സംഘം വീടിനുള്ളില് പ്രവേശിച്ചത്. തുടര്ന്ന് വിജിലന്സ് സംഘം മരടിലെ ആശുപത്രിയിലേക്ക് പോവുകയായിരുന്നു.