കലാ നികേതൻ കലാകേന്ദ്രത്തിൻ്റെ “നാടക അണിയറ പുരസ്ക്കാരത്തിന്” മുതിർന്ന അണിയറ പ്രവർത്തകൻ രാധാകൃഷ്ണൻ മൈലക്കാട് അർഹനായി. നാടകരംഗത്തെ അണിയറ പ്രവർത്തകരുടെ സംഭാവനകളെ പരിഗണിച്ച് വർഷം തോറും കലാനികേതൻ കലാകേന്ദ്രം നൽകുന്നതാണ് ഈ പുരസ്ക്കാരം. മൂന്ന് പതിറ്റാണ്ടിലേറെയായി കേരളത്തിലെ പ്രമുഖ പ്രൊഫഷണൽ നാടക സമിതികളിൽ രംഗ സഞ്ജീകരണരംഗത്ത് സജീവ സാനിദ്ധ്യമാണ് രാധാകൃഷ്ണൻ. നീണ്ട കാലത്തെ നാടക പ്രവർത്തനങ്ങളെ മുൻനിർത്തിയാണ് ഈ വർഷത്തെ ” നാടക അണിയറ പുരസ്ക്കാരം ഇദ്ദേഹത്തിന് നൽകുന്നതെന്ന് കലാനികേതൻ രക്ഷാധികാരി അഡ്വ: എം.മുഹസ്സിനും, ചെയർമാൻ ഉദയൻ കലാനികേതനും അറിയിച്ചു.
കലാനികേതൻ കലാകേന്ദ്രത്തിൻ്റെ രണ്ടാം വാർഷികത്തോട് അനുബന്ധിച്ച് ഫെബ്രുവരി ആദ്യവാരം നടക്കുന്ന ചടങ്ങിൽ കവിയും, ഗാനരചയിതാവുമായ രാധാകൃഷ്ണൻ കുന്നുംപുറം പുരസ്ക്കാരം സമ്മാനിക്കും.
