ആറ്റിങ്ങൽ: 2020 – 21 വിവിധ പദ്ധതികളുടെ രൂപീകരണവുമായി ബന്ധപ്പെട്ടാണ് 31 വാർഡുകളിലും വാർഡ് സഭകൾ സംഘടിപ്പിക്കുന്നത്. ആദ്യ ദിവസമായ ഇന്ന് 1, 2, 3, 4, 5, 6, 10 വാർഡുകളിലാണ് സഭകൾ സംഘടിപ്പിച്ചത്. ഇതിന്റെ ഔപചാരിക ഉദ്ഘാടനം ചെയർപേഴ്സൺ അഡ്വ.എസ്. കുമാരി നിർവ്വഹിച്ചു. കൂടാതെ ചെയർപേഴ്സന്റെ നേതൃത്വത്തിൽ സ്റ്റാൻഡിംഗ് കമ്മിറ്റി ചെയർമാൻമാരായ അവനവഞ്ചേരി രാജു, എ.നജാം, രമ്യ സുധീർ, ഗിരിജ ടീച്ചർ, എസ്. ഷീജ തുടങ്ങിയവർ വാർഡുസഭകൾ സന്ദർശിച്ച് പദ്ധതി വിശദീകരണം നടത്തി. ഇന്നും നാളെയുമായി ബാക്കിയുള്ള 24 വാർഡുകളിലും സഭകൾ കൂടുമെന്നും ചെയർപേഴ്സൺ അറിയിച്ചു.
