മംഗലപുരം : ശാസ്തവട്ടം നെപ്റ്റ്യൂൻറെഡി മിക്സിന് സമീപമുള്ള സ്വകാര്യ റബർ പുരയിടത്തിലാണ് ഇന്ന് വൈകുന്നേരം 3 മണിയോടെ തീ പടർന്നത്. ആറ്റിങ്ങൾ അഗ്നി രക്ഷാ നിലയത്തിലെ ഗ്രേഡ് എ. എസ്. ടി. ഒ മധുസൂദനൻ നായരുടെ നേതൃത്വത്തിൽ സേനാംഗങ്ങളായ അനീഷ്, ബിനു. കെ, രാജഗോപാൽ, അഷ്റഫ് , ഹോം ഗാർഡ് അനിൽ കുമാർ എന്നിവർ ചേർന്ന് വെള്ളം പമ്പ് ചെയ്ത് തീ നിയന്ത്രണ വിധേയമാക്കി. വേനൽ കടുത്തതോടെ അടിക്കാടുകൾ വൃത്തിയാക്കി ഇട്ടില്ലെങ്കിൽ ഇനിയും ഇത്തരം അപകടങ്ങൾ ഉണ്ടാകുമെന്ന് സേന അറിയിച്ചു.
