കടയ്ക്കാവൂർ മീരാൻകടവിന് സമീപം പങ്കാളി മെൻസ് വെയർ ആക്രമിച്ചു മോഷണം. കഴിഞ്ഞദിവസം വെളുപ്പിന് മൂന്ന് മണിയോടെയായിരുന്നു സംഭവം.കടയുടെ മുൻവശത്ത ഗ്ളാസ് ഇരുമ്പ് കമ്പികൊണ്ട് പൊട്ടിച്ച് അകത്ത് കടന്ന രണ്ടംഗസംഘം ഷൂസുകളും റെഡിമേയ്ഡ് വസ്ത്രങ്ങളും ഉൾപ്പെടെയുള്ള സാധനങ്ങളാണ് മോഷ്ടിച്ചത്.വെന്നികോട് വലയൻറകുഴി പുത്തൻവീട്ടിൽ അമ്പാടിയെന്ന് വിളിക്കുന്ന ശരത്തും(20) പ്രായപൂർത്തിയാകാത്ത മറ്റൊരാളുമാണ് പിടിയിലായത്.സി.സി.ടി.വി ദൃശ്യങ്ങളിൽ നിന്നും തിരിച്ചറിഞ്ഞ പ്രതികളെ കടയ്ക്കാവൂർ പൊലീസ് അറസ്റ്റ് ചെയ്തു.
