ആറ്റിങ്ങൽ: ബിവറേജസ് കോർപ്പറേഷന്റെ ഗോഡൗണിൽനിന്ന് 20 ലക്ഷത്തോളം രൂപയുടെ വിദേശമദ്യം മോഷ്ടിച്ചുകടത്തിയവരെ കണ്ടെത്താനുള്ള ഊർജിതശ്രമം പോലീസും എക്‌സൈസും ആരംഭിച്ചു. ഗോഡൗണിനകത്തെ സി.സി.ടി.വി. ദൃശ്യങ്ങളും പുറത്തെ വിവിധ ക്യാമറകളിൽനിന്നുള്ള ദൃശ്യങ്ങളും സംശയമുള്ളവരുടെ മൊബൈൽ വിവരങ്ങളും ശേഖരിച്ചിട്ടുണ്ട്. ഇതിൽനിന്ന് ലഭിച്ച വിവരങ്ങളുടെ അടിസ്ഥാനത്തിൽ മോഷണം നടത്തിയെന്ന് സംശയിക്കുന്ന ചിലരെക്കുറിച്ച് പ്രാഥമികാന്വേഷണം ആരംഭിച്ചിട്ടുണ്ട്. ഇവരിപ്പോൾ ഒളിവിലാണെന്ന് വ്യക്തമായതായാണ് സൂചന.
