പുല്ലമ്പാറ പഞ്ചായത്തിൽ സഞ്ചരിക്കുന്ന പുസ്തകവണ്ടി “ചങ്ങാതി ‘.പഞ്ചായത്തിന്റെ എല്ലാ പ്രദേശത്തും കുട്ടികളുടെയും മുതിർന്നവരുടെയും അടുത്തേക്ക് സഞ്ചരിക്കുന്ന ലൈബ്രറി ചെന്നെത്തും. പ്രവർത്തനങ്ങൾക്ക് നേതൃത്വം കൊടുക്കാനായി വാർഡ്തലത്തില്‍ ഫെസിലിറ്റേറ്റര്‍മാരെ ഏര്‍പ്പെടുത്തിയിട്ടുണ്ട്.
വായന ദിനത്തിൽ പാലാംകോണത്ത് ഡി കെ മുരളി എംഎൽഎ പുസ്തകവണ്ടി ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി വി രാജേഷ് അധ്യക്ഷനും കവി വിഭു പിരപ്പൻകോട് മുഖ്യാതിഥിയുമായി.
വിദ്യാഭ്യാസ ആരോഗ്യ സ്റ്റാൻഡിങ് കമ്മിറ്റി ചെയർമാൻ ഇ എ മജീദ്, ജില്ലാ പഞ്ചായത്ത് അംഗം കെ ഷീലാകുമാരി, ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാന്മാരായ ബി അസീനാ ബീവി, വൈ വി ശോഭകുമാർ, വൈസ് പ്രസിഡന്റ് എസ് ആർ അശ്വതി, ബി ശ്രീകണ്ഠൻ, ബി ശുഭ, പ്രിയ, ഷീല, ബിന്ദു, അജി, പുല്ലമ്പാറ ദിലീപ്, അഡ്വ. പി ജി സുധീർ, ആർ മുരളി, രഘുനാഥൻനായർ, പഞ്ചായത്ത്തല ഫെസിലിറ്റേറ്റർ വിഷ്ണു തുടങ്ങിയവർ പങ്കെടുത്തു.
