ആറ്റിങ്ങൽ : ദേശീയ പാതയിൽ ആറ്റിങ്ങൽ കോരാണി ഭാഗത്ത് റോഡ് വശത്ത് നിന്ന കൂറ്റൻ അക്വേഷ്യാ മരം ഇന്ന് പുലർച്ചെ 4 മണിയോടെ കടപുഴുകി വീണ് ഗതാഗതം തടസ്സപ്പെട്ടു. ആറ്റിങ്ങൽ അഗ്നി രക്ഷാ നിലയത്തിലെ ഗ്രേഡ് എ. എസ്. ടി. ഒ ബിജുവിന്റെ നേതൃത്വത്തിൽ സേനാംഗങ്ങളായ ബിനു. കെ, സന്തോഷ് കുമാർ, അഷ്റഫ് , ശ്രീരാഗ്, വിജേഷ് എന്നിവർ ചേർന്ന് മരംമുറിച്ചുമാറ്റി ഗതാഗതം പുനസ്ഥാപിച്ചു. തിരക്ക് കുറഞ്ഞ സമയമായതിനാൽ മറ്റ് അപകടങ്ങൾ ഒഴിവായി. റോഡരികിലെ ഇത്തരം അപകടകരമായ മരങ്ങൾ മുറിച്ചു മാറ്റിയില്ലെങ്കിൽ വൻ ദുരന്തങ്ങൾ തന്നെ സംഭവിക്കാമെന്ന് സേന അറിയിച്ചു.
