ആലംകോട്: ആലംകോട് പള്ളിമുക്കിൽ സ്കോർപിയോ കാർ മറിഞ്ഞ് മൂന്ന് പേർക്ക് പരിക്ക്. ഇന്ന് രാത്രി 9 അര മണിയോടെയാണ് സംഭവം. ആലംകോട് ഭാഗത്ത് നിന്നും പള്ളിമുക്ക് ഭാഗത്തേക്ക് പോയ സ്കോർപിയോ കാർ ടോറസ് ലോറിയെ ഓവർടേക് ചെയ്തപ്പോൾ നിയന്ത്രണം വിട്ട് റോഡ് വശത്തെ കോൺക്രീറ്റ് ഓടയുടെ മുകളിൽ തലകീഴായി മറിയുകയായിരുന്നുവെന്ന് നാട്ടുകാർ പറയുന്നു. 8 പേരാണ് കാറിൽ ഉണ്ടായിരുന്നത്. അതിൽ 3 പേർക്ക് പരിക്കേറ്റു. 2 പേരുടെ പരിക്ക് ഗുരുതരമാണെന്നാണ് പ്രാഥമിക വിവരം. പരിക്ക് പറ്റിയവരെ ആംബുലൻസിൽ ആശുപത്രിയിലേക്ക് കൊണ്ടുപോയി. നഗരൂർ പോലീസ് തുടർനടപടികൾ സ്വീകരിച്ചു വരുന്നു. ആലംകോട് സ്വദേശികളാണ് കാറിൽ ഉണ്ടായിരുന്നതെന്നാണ് വിവരം.